Um námskeiðið
Þetta er námskeið í skapandi skrifum sem er kennt á ÍTM (íslensku táknmáli) þar sem nemendur skrifa smásögur út frá döff menninngu og táknmálum undir handleiðslu kennara. Hver nemandi ræður algerlega eigin hraða. Það verða engin tímamörk, enginn skilafrestur og engin krafa um árangur. Markmiðið er að auðga og valdefla döff menningu og táknmál.
Þetta námskeið er hluti af Multilingual Writing LAB, samstarfsverkefni sem styrkt er af Erasmus+ og þróað á tímabilinu febrúar 2025 til maí 2026 í samvinnu Ós Pressunnar (Ísland) og Red Door (Danmörk), með stuðningi frá landsskrifstofu Erasmus+: RANNÍS (Rannsóknarmiðstöð Íslands), Bókmenntaborginni og Örvari, styrktarsjóði menningar-, nýsköpunar- og háskólaráðuneytisins.